एक अक्षरावर आकांत कशास?
बोल, रामशास्त्र्या, देहान्त कशास?
ही जरा तनुची, तारुण्य मनात
ही अशी अघोरी संक्रांत कशास?
एकही न उरला जळण्यास पतंग
वांछिलास, ज्योती, एकांत कशास?
माणसे न कोणी, रेडेच समोर
माउली वदावे वेदांत कशास?
विश्वरूप रुचले ज्याला न 'मिलिंद'
आंधळ्यास असल्या दृष्टांत कशास?
Labels: गझल
3 Comments:
Subscribe to:
Post Comments (Atom)
'एक अक्षरा'चा संदर्भ - आनंदीबाईंची 'ध' चा 'मा' करण्याची कृती.
अं...
बात अक्षराची नाहीच रघोबा
विधवेस बोल जा -"आकांत कशास?"
छे! अपने बस की बात नहीं :)
ज्योतीचा, 'दृष्टांता'चा शेर खूप आवडला.