Blogger Template by Blogcrowds.

मरण

Posted by Milind Phanse at Sunday, May 23, 2010


काही झिजून मेले, काही मढून मेले

बहुसंख्य मात्र येथे केवळ जगून मेले


दे, कायद्या, पुरावा काही जिवंततेचा

चिखलात तारखांच्या लाखो रुतून मेले


रात्री ऋतू-ऋतूने बर्फाळ होत गेल्या

ज्योती, पतंग दोघे मग गारठून मेले


कौतुक करा फुलाच्या ह्या एकनिष्ठतेचे

जे एकदाच फुलले अन्‌ मोहरून मेले


सरणावरी मुमुक्षू वैतागुनी म्हणाला

"यंदाहि फक्त विटके कपडे जळून मेले"

 

Labels: , , ,

0 Comments:

Post a Comment



Newer Post Older Post Home

Subscribe to: Post Comments (Atom)