मीच माझा धर्म आणिक
मीच आहे संप्रदाय
मीच प्रेषित, भक्त मी अन्‍
मीच आहे देवराय
क्षुद्र, कोता मी जिवाणू
मी घटोत्कच भीमकाय
कांबळी अन्‍ घोंगडी मी
अन्‍ कधी मी घट्ट टाय
कृष्ण काळा-सावळा मी
सांब शंकर गौरकाय
इंद्र मी लाचार याचक
वामनाचे मीच पाय
मर्द मी तो सव्यसाची
क्लीब किन्नर मीच नाची
मी युगांची साक्ष साऱ्या
मी खलांच्या लूटमाऱ्या
सोवळा मी, ओवळा मी
पक्व किंवा कोवळा मी
शोधतो गुंत्यात साऱ्या
कोणता आहे खरा मी
यातला मी एक धागा
एकरंगी, एकढंगी
गुंतुनी वा वस्त्र झालो
मर्त्य मानव सप्तरंगी ?
Labels: कविता
0 Comments:
Subscribe to:
Post Comments (Atom)