Blogger Template by Blogcrowds.

हमाली

विझल्या कालांतराने पोरक्या मशाली
कालचा कार्यकर्ता पुन्हा बने मवाली

विरल्या हवेत फ़सव्या घोषणा कधीच्या
पुनश्च लोक आता ईश्वराच्या हवाली

ल्यालें राजवस्त्रें ते गावगुंड सारे
जनता- जनार्दनाला ही लक्तरें मिळाली

उजवें अथवा डावें , भगवें वा निधर्मी
कोणी पुसें न आता दीनांची खुशाली

आपापल्या दु:खाचा वाहतो भार जो तो
चुकली कुणास येथे ही रोजची हमाली

1 Comment:

Post a Comment



Newer Post Older Post Home