क्षितिजावरती नजर ठरावी असे न उरले काही
सुर्यास्ताविण वाट बघावी असे न उरले काही
पाणी सुकले, घाट भंगले, अन् वठला औदुंबर
नदीकडे पाउले वळावी असे न उरले काही
सवय आरशात पाहण्याची का जाता जाईना
पडेल ज्याचा ठसा प्रभावी असे न उरले काही
घटने-घटनेनंतर येते शिळे तेच ते धृवपद
ताल चुकावा, लय उसवावी असे न उरले काही
तीच माणसे, त्याच भावना, प्रतारणा, वंचना
मिलिंद, ज्यावर गझल लिहावी असे न उरले काही
सुर्यास्ताविण वाट बघावी असे न उरले काही
पाणी सुकले, घाट भंगले, अन् वठला औदुंबर
नदीकडे पाउले वळावी असे न उरले काही
सवय आरशात पाहण्याची का जाता जाईना
पडेल ज्याचा ठसा प्रभावी असे न उरले काही
घटने-घटनेनंतर येते शिळे तेच ते धृवपद
ताल चुकावा, लय उसवावी असे न उरले काही
तीच माणसे, त्याच भावना, प्रतारणा, वंचना
मिलिंद, ज्यावर गझल लिहावी असे न उरले काही
0 Comments:
Subscribe to:
Post Comments (Atom)