कल्पनेची उंच माझ्या झेप आहे
की पुन्हा दुर्बोध केवळ टेप आहे?
पायवाटा शोधल्या काही नव्या मी
हा महामार्गास का आक्षेप आहे?
कोवळ्या उघडून बसलो सर्व जखमा
"रक्त सुकले", त्यांस हा आक्षेप आहे!
प्रसवताना काव्य मी विव्हळू कशाला?
दोस्तहो, पहिली न माझी खेप आहे
ना विरोधाभास, ना साकी, न प्रीती
गझलप्रांती हा कसा प्रक्षेप आहे?
री कशी ओढू मठाच्या दांभिकांची ?
'भृंग' अज्ञेयाकडे साक्षेप आहे
0 Comments:
Subscribe to:
Post Comments (Atom)